25/8/2021晴
咳~咳~(正經mood😛
最近小編同朋友傾開計,話最近啲豬肉🐽真係越嚟越貴🤑⋯⋯講吓講吓價錢又講咗去啲部位,跟住就講到豬頸肉…..
原來朋友一直都誤會咗豬頸肉,以為係喺條頸度⁉️其實都唔係錯晒,只不過正確位置其實係喺面珠登至下巴附近嘅位置。老輩稱豬頸肉為「肉青」或「面青」,但唔好聽,所以後尾改稱為豬頸肉或豬面肉。
跟住又話豬頸肉好毒❓
坊間一直流傳豬頸是打針部位,所以殘留最多毒素,食少啲好啲⋯⋯⁉️
其實依家豬隻🐽打針,一般都是打預防針💉,而且會等藥效減退,確保無殘留藥力先會出售;而且打針亦唔一定要打豬頸位置,反而打豬背或[囉柚]🍑更容易。
就算有黑心🖤商人想為豬肉『加工」,依家亦已經進化到係飼料🥣入手,例如用「瘦肉精」⋯所以根本好少要打針。
而且豬肉流出市面🏭之前,都會經過食環署嚴謹的驗尿檢測👩🏻‍🔬,所以大家可放心食用豬肉。
另外只要揀啱豬肉位置,就可以煮出最好效果
蒸肉餅🫓:自己剁最好食,建議用脢頭,較容易起膠;如果冇時間自己剁,直接買絞碎嘅,可選擇豬踭面,或較肥香的腩尾。
蒸排骨🧆:排骨有唔同款,如老人家「無牙力」較適合食腍啲嘅蒸飛排;唔怕肥嘅可以揀金沙骨,「點樣食都得」。
而腩排🥩就多軟骨又唔肥,可炸、炆或整生炒骨。
煲老火湯🍲:鐘意啖啖肉湯渣,可買豬𦟌;喜歡吮骨,頭排較肥,西施骨就相反。不同湯種配搭的部位亦唔同,例如煲粉葛應該用尾龍骨,煲藥材就用脊骨或者肉眼。
滾湯🫕:可以買肉眼,湯甜啲但肉嚡;瘦肉不夠肉眼甜,但係肉就嫩滑啲可以食埋。
總之只要清楚了解唔同部位嘅特性,就可以充分發揮佢,煮出好食嘅餸菜啦⋯⋯😆
最尾都係要賣下廣告🪧🪧🪧🪧🪧🪧🪧
🙄(我係分界線)🙄
————————————————————
就係我哋都有豬頸肉啊~~🥳
Anime Yano 波蘭豬頸肉(400g/包)

 

✅波蘭出產100%優質EU歐盟產地
✅天然natural
❌無激素
❌冇瘦肉精
仲要依家特價$52😱
見我曬咗咁多口水幫手入去望吓啦🙈🙈🙈⋯⋯